去德國 outlet ！

由lux開車去要1小時15分鍾.

泊車好方便.

都幾好行.

行左一日累死！

''栗子瑞士卷''

自己整''栗子瑞士卷''包您話好味！

1...做個原味蛋糕体先
食譜
材料 :
a  > 蛋黃 4 隻   +   砂糖 25g
b >  液體菜油 45g     +  鮮奶 45g
c > 鷹粟粉 5g    +   低筋麵粉 80g
d >  蛋白 4隻    +   砂糖 85g                            
1.焗爐以180C預熱10分鐘.
2.材料 a 打勻  .  加入 b 拌勻.   再加入  c  ,  攪拌至沒有粉粒狀光滑麵糊.
3.蛋白打至起泡,加入砂糖分三次加入直至硬性發泡.
4.先取1/3蛋白霜加入蛋黃麵糊內,用切拌方式攪勻,再將其餘的蛋白霜倒入,輕手切
    拌至完全混合.
5.麵糊倒入已舖好牛油紙的烤盤中抹平焗20分鐘.
   用竹籤測試是否已全熟 (如沒有麵糊黏住代表已熟).
6.出爐後倒扣放涼後,再換上另一張牛油紙上,
7. 將 6 的旦糕体兩邊短的位置.
    一邊旦糕体上,每5mm用刀輕切一刀,共切3刀方便卷起.
   另一邊位上,用刀斜剪掉3/4位置.方便收口.

 

2....甜味栗子茸150g.
3....忌廉 150g打至7成.
4...將2和3混合.

 

5...將4完全混合打至有汶路.
6...準備長面粉棒和間尺.
7..在旦糕上楂滿1/2的5.
8..用長面粉棒幫助卷起瑞士卷.用間尺幫助收緊瑞士卷.放入雪櫃定形一小時.

 

9...需要一個ge袋和圓咀ge咀.裝入1/2的5.
10...瑞士卷從雪櫃拿出來.切去頭和尾.
11..用ge袋在瑞士卷上ge上第一層的線.再ge上第二層.再ge上第三層.
12...甘就靚仔嗱.放入雪櫃冷藏.食既時候才攞出黎.因為他有cream.易溶呀！

 

比利時 宜家 ikea

想行 ''宜家'' 睇家庭用品 .

最近就係去比利時.

法国都有.但我怕公路塞車.

所以多數去比利時個間.

個門口都好大架.

而家大減價喎！但我又唔多覺好大囉.

 呢度有大 paking 好方便.

 

糖霜曲奇

學做''糖霜曲奇''.

自己焗好cookie .畫下 畫. 好好玩喎.

不過我無藝術天份.好醜樣.

但係食落又好好味喎.

haha 下次會晝好D .

糯 米 滋

糯 米 滋

你想要乜野 '內餡' 呢？

我做過 紅豆 、 豆沙 、 奶皇 、 芒果 、

最想做係 紫心番薯 .

一定唔會做 花生.

因為我敏感！

有朱古力食！

有朱古力食！

Noah 去左比利時海灘玩一星期.

返黎送左2盒靚朱古力比我地.

粟子朱古力旦糕

Amy 姐生日.做個蛋糕送比佢.

就試下做 ''粟子朱古力旦糕'' 啦.

唔知好唔好食呢？

班蘭瑞士卷

妹妹鍾意食 '' 班蘭瑞士卷 ''

我今日就整比佢食.

微波爐叮的朱古力蛋糕

呢個用微波爐叮的朱古力蛋糕.

好啱無焗爐既人用.

冷天有個熱朱古力蛋糕食.你話幾正呢！

只係用5分鍾咋.快.靚.正.有無人要學？

星期日晚餐

我哋一家人只有星期日晚餐.

可以一齊食飯.

今日呢餐哥哥就缺席嗱.

因為他去左比利時海邊玩一星期.

開飯嗱.

升班

去女兒學校攞成績表.

Phoebe一入門口見到佢個女同學係度喊.

佢走埋過去揇住安慰她.

跟住仲喊埋一份添.

原來她要留班呀.

攪到Phoebe都担心自已會留班添.

因為那女同學成績都唔係差.

夠鍾嗱.我地兩母女入房見亞Sir .

亞Sir 一輪咀講呀講.

成績表評語又一大段.

終於响第＝頁至塭到.

''升班''兩個字.

唉！放心哂.

我呢個做人亞媽算係甘啦.

只係要求小朋友''升班''.

期實都唔算係要求啦！

德國戰利品

之前去左德國睇單車閉幕禮.

都無時間觀光shopping.

路經一間超级市場.

唔理372拾1照沖入去look下.

haha都比我買到d戰利品.

小雨的蛋糕

今日我整呢個 '小雨的蛋糕 '.
用左好多時間.
點解？
因為無靈感..無從入手.
唔通係老人痴呆.


呢個係第一款.但係好醜樣.

改良版.唔多靚.但係好過第一款.

新床褥

终於都買左.

好貴呀.

但係兩個人用.

一日用8個鍾.

應該都抵番.

原價1399歐元.

半價699歐元.

仲送兩個枕頭添.

開火

我張牀褥訓到我腰骨痛.

經常訓到痛醒.

我都忍左佢成年.

上星期李生都話腰骨痛.

甘我咪話趁大減價快D去買番張好野啦.

點不知比佢XXX.

激到我死死下.

今日收到廣告單張.

有間牀褥公司大減價.

減50% 哗！

快去睇下啦.

點不知比佢XXX.

今次我發火啦.

同佢開火.

''舊牀褥都10年啦.訓到大家都腰骨痛.買過張都唔過份呀.在這裏乜野人生樂趣都無.日日就係做工、食飯同訓覺.做工就係為生活、食飯都只係為填飽個肚.根本無美食可言，而家連訓覺都要忍受腰骨痛痛醒.甘不如你殺左我啦.''

講完一番偉倫之後.................李生.......................

立即攞車匙.     ''媽媽 我地去買牀褥.''

朱古力瑞士卷(食譜)

有人想學''朱古力瑞士卷 ''
所以我才整個食譜出黎.
希望幫到你.

~~朱古力戚風蛋糕~~
預熱焗爐180度C
焗盤36cm x 26cm 鋪好蛋糕紙
A  蛋黃 3個  + 糖 50g
B  鮮奶 30g
C  菜油 50g
D  可可粉 20g   +  熱水 40g
E  低筋面粉  75g
F  蛋白 3個  +  糖 65g
做法.. 
1-----將Ａ用打旦器攪均勻.
        加入B攪勻.
        加入C攪勻.
        加入D攪勻.
        篩入E攪勻.
2----將Ｆ用打旦机打至起泡分三次加入糖.打至成細緻旦白霜(硬性發泡)
       取1/3旦白霜放入(1)用橡皮刮刀拌勻.拌好才再放1/3旦白霜拌匀.最後1/3輕手拌勻.
3----平均倒入已鋪好蛋糕紙焗盤內.掃平.在枱上輕敲兩下.
4----放入焗爐中層180度C 15分鍾.表面金王色.觸感有彈性即可.
5----蛋糕出爐後.用手抓着蛋糕紙將蛋糕移至綱架上.並撕開四邊紙撒熱.待凉

~~朱古力忌廉~~
A.忌廉  80g   +  朱古力(切細) 80g
B.忌廉 120g   +  糖 20g
將A 隔水加熱融化.攪拌至完全融化呈光澤狀.再隔凍水降温.
將B 用打旦机打至開始变濃稠狀時加入已降温的A.
繼續快速打至8成(濃稠狀).放入雪櫃備用.

~~捲旦糕~~
將旦糕体兩邊短的位置.
一邊旦糕体上,每5mm用刀輕切一刀,共切3刀方便卷起.
另一邊位上,用刀斜剪掉3/4位置.方便收口.
將朱古力忌廉平均抹在旦糕上.再用面粉棒負助卷成旦卷狀,
放入雪櫃靜置大約45分鐘,取走牛油紙後,便可切件享用.

糖水

呢兩個糖水響HK要食就易過借火.

但係响呢庭就真係好難揾.

瑞士卷

瑞士卷之中我最鍾意食原味.

細個只有原味瑞士卷食.

無第二種選擇.

但係我d小朋友鍾意食朱古力瑞士卷喎.

做哂兩種味.

大家都 Happy  ！

小形單車比賽

路過見到的''小形單車比賽''

真係好蚊形.

新單車

細佬要求買新單車呀.

唉.....又比他贏左我.

其實响呢度都好適合玩單車.

我同佢計吓.

細佬有溜冰鞋、 Roller鞋、滑板、、、

全部都用腳既！

今日同花花食雪糕.

一唔開心.去食雪糕就攪掂.

幾方便呢？

呢個係花花的芒果雪糕

 

呢個係我的肉酱意粉雪糕.

比人揾笨

今日去中國超市.
一入門口有個牌寫住 ''紫芯蕃薯特價3.2欧元1kg''
我見唔同我平時响鬼佬超市買個d蕃薯.
又得番5隻.甘我咪掃哂佢啦.
一心諗住返屋企整紫芯蕃薯糯米糍.
你地睇下！

足球場蛋糕

再做足球場蛋糕.

手腳慢唔夠D crean溶得快.愈唧愈水.