鳳梨酥

'鳳梨酥'扮左靚之後真係凌舍不同.

平凡既'鳳梨酥'

 

入左膠袋既'鳳梨酥'

 

放埋入禮物盒內的'鳳梨酥'即刻身價十陪.

想食干炒牛河呀.

我好想好想食干炒牛河呀.

細個老豆買消夜返黎比我地幾兄妹食.

超正呀.大排檔炒得好正架.

但係呢度未食過.

返hk食個d好油呀.

永遠都食唔返小時候既味道.

今日上綱揾食譜跟住試下自已炒下先.

比想象中容易.

下次買d靚牛肉黎炒.

今日呢個牛肉好有口感.

大厨出馬

今天的晚餐.
有大厨出馬.
我負責洗碗.haha
有梅菜扣肉.蒜蓉波菜.蒸Dorade.冬菇紋雞.
全部都好好食.
大厨真抵錫.

Monchichi

呢個蛋糕似唔似Monchichi呀？

我估有8成掛.

阿拉伯水烟

 ''阿拉伯水烟''您試過未？

哥哥18歲生日party有個鬼攞黎玩.

我貪得宜影張相.

見佢幾靚喎.

簡單就是最美

簡單就是最美

好簡單灑上黃色朱古力粉.

放上一粒草苺.

大功告成的裝飾.

收工.

番暑椰汁西米露

番暑椰汁西米露
               做呢個我强項啦.快靚正.又好味.

               如果識做椰汁西米露.

               芋頭椰汁西米露.西瓜椰汁西米露.............

                都係甘做变化下.

大戰過後.

大戰過後.

當然就係收拾家園啦.

哥哥18歲

我個仔今日18歲嗱.

時間過得真係快.

哥哥 我愛您.

您亞媽會用一生既時間去愛您

厠所塞了！

厠所塞了！

去唔到大呀........

 叫佢地去'客厠'

佢地又唔鍾意.

坐得唔舒服喎.

真係比佢地吹賬.

Papa走去花園個明渠度通.

點不知個d甘既臭臭要出黎見光喎.

攪到一個2個'雞飛狗走'.

只有Papa還在努力中.

老實講呀.我都想走呀.

不過都要同佢'同甘共苦'o架！

突然間兩個人只有揾個話題吹吓水啦！

Papa您估下究竟是厠所和明渠塞左呀？

還是明渠到大渠塞左呢？

佢話又唔見'客厠'塞！當然係厠所和明渠塞左啦.

但係佢對腳又行去大渠度喎.

一打開個蓋.'''''''mama您過黎睇士呀！'''''''

我當然唔睇啦.您當我儍架.睇士.

跟住佢仲話'''''mama乜您甘士聰明嘅.早d講呀ma！''''''

迷底終於都解開嗱.

Quiche

呢個Quiche我成曰整.

一個人食哂一個當晚餐.

佢可以有好多变化.

內容可以係波菜牛肉.磨菇雞肉.節瓜肉絲.番茄mozzarella.露順.三文魚都得.

希望您地都鍾意！

盧森堡蘋果塔 (食譜)

綱上有''法式蘋果批''   ''美式蘋果批''  ''M記蘋果批'' 的食譜.

但我呢個係''盧森堡蘋果塔''您地見過嗎？

話說10幾年前響中學家政堂學嘅
.
當時都唔知係宝.

但係食過甘多間餅鋪的蘋果塔.
都係自已做最好食.
唔好食唔收錢啊！
有無人想學？

 

1....材料
一張酥皮  (今次偷懶先)
青蘋果  3個
蛋      2隻
糖      75g
面粉   25g
云尼拿香精油    1茶匙
鮮奶     100g
忌廉     100g
焗盆     一個

焗爐預熱200度底面火.

2...酥皮放在焗盆上.放平.去除多餘的酥皮.用义次孔.
3..旦和糖打勻.加入奶和cream.打勻.
4..加入云尼拿油面粉.打勻.備用. . 

 

5...青蘋果去皮.去芯.切片
6...整齊平均鋪在酥皮上.
7...將(4)過篩倒入(6).放入焗爐中層.
8...200度25分鍾.焗至金黃色.

 

ps.餅皮自已整仲好食.答應您下次整比您睇.

蘋果塔

 

好似好耐無整蘋果塔攞.今日整黎送比人.

食過呢個塔.全lux都塭唔番甘好味既蘋果塔.

我既珍貴好味食譜.全都要放入保險箱.

留番比我個女做嫁裝......

luxembourg 的 sushi

呢間 Sushi 店響 lux 好出名.
仲好貴添.
我以前響度做過工架.
有朋友約我食 sushi 談心.
我一口就拒絕.
大佬去第二間得唔得呀？
唔得.
都唔知點解d人可以甘惡.